A Bolsa ‘Nacho Mirás’ para xornalistas noveis, organizada e desenvolvida polo Colexio Profesional de Xornalistas de Galicia e patrocinada por Abanca, coa colaboración da Facultade de Ciencias da Comunicación da Universidade de Santiago de Compostela, recaeu nesta sétima edición en Notas á marxe. Este é un proxecto articulado arredor dun podcast e unha newsletter que parten de produtos literarios para traballar coas súas ideas e promover o pensamento crítico, buscando favorecer a reflexión fronte á simple actualidade nun exercicio de "xornalismo lento", presentado por Belén Rodríguez Teiga e Carmen Novo Castiñeiras.

A emisora de radiofórmula Novahit, con licenza en Carballo e Vimianzo, selecciona unha persoa licenciada en xornalismo ou comunicación audiovisual ou colexiada para exercer de locutora.  

Manuel Rey Pan é o gañador do Premio de Xornalismo 'Somos Esenciais' 2021, organizado polo Colexio Profesional de Xornalistas de Galicia en colaboración con Gadis, co podcast de GCiencia "O ano da pandemia". O xurado decidiu tamén conceder nesta segunda edición do premio unha mención especial como finalista a "Pechar a fronteira foi como pechar a fiestra da casa", unha reportaxe de Elena Martín, Pablo Santiago, Sofía Caamaño Deus e Ruben Martins para o dixital Xarda e o xornal portugués Público.

Dentro dun estudo das universidades canadense da Columbia Británica e Simon Fraser, o Comité para a Protección dos Xornalistas disponibilizaron unha enquisa para xuntar datos sobre o acoso que sofren os e as profesionais no exercicio do seu labor informativo. O cuestionario está aberto á participación de xornalistas de todo o mundo. 

Un informe de Reporteiros Sen Fronteiras España sobre as e os xornalistas españóis que están a cubrir o conflicto entre Rusia e Ucraína no terreo salienta que case a metade son xornalistas á peza. Os datos revelan tamén unha falta de experiencia profesional e a precariedade económica dos e das informadoras. No que fai á seguranza, máis dun cuarto das persoas enquisadas traballan sen seguro ou sen equipos de protección. 

O Compromiso público polo emprego e a profesión xornalística, o acordo impulsado polos colexios profesionais de xornalistas en defensa da contratación de xornalistas para os labores informativos nas administracións, vén de ser subscrito pola Federación Galega de Municipios e Provincias, que apoia a contratación de titulados e/ou colexiados nos gabinetes de prensa e anima aos concellos a mellorar as políticas de comunicación como unha ferramenta "fronte á contaminación informativa existente".

Proxecto Ikigai. Xornalismo colaborativo e transmediático pola saúde mental é unha guía multiplataforma para mellorar a información sobre a saúde mental, realizada polo alumnado de primeiro curso do grao de Xornalismo da USC, baixo a coordinación de José Casás, Xosé López e Ana Isabel Rodríguez Vázquez e coa colaboración do Colexio de Xornalistas e o Grupo de Investigación ESCULCA.

O xoves que vén, 30 de xuño, remata o prazo para presentarse á sétima bolsa ‘Nacho Mirás’ para xornalistas noveis, destinada a promover proxectos xornalísticos de novos e novas tituladas en Xornalismo ou Comunicación Audiovisual. A bolsa está organizada e desenvolvida polo Colexio Profesional de Xornalistas de Galicia e patrocinada por Abanca, e ten unha dotación de 6.000 euros. 

Reporteiros Sen Fronteiras (RSF), entidade coa que colabora o Colexio Profesional de Xornalistas de Galicia, mantén aberta unha campaña de captación de fondos para fornecer aos xornalistas que cubren o conflito de Ucraína con material de protección, así como outro tipo de cobertura para a súa seguridade. A iniciativa súmase a outras accións de RSF para a protección dos xornalistas en todo o mundo.

A enquisa mundial sobre cobertura do cambio climático realizada pola FIP revela que só un de cada catro xornalistas cre que o seu medio trata de maneira axeitada a crise climática, malia a que o 82% dos profesionais enquisados están "moi preocupados" por esta cuestión. Desde a profesión reclámase formación e ferramentas para abordar esta temática.