A Comisión de freelance e autónomas/os do Colexio Profesional de Xornalistas de Galicia vén de habilitar unha enquisa coa vontade de coñecer as condicións de traballo dos e das xornalistas galegas e buscar maneiras de melloralas, con especial atención a quen traballa por conta propia. 

En virtude do convenio do Colexio Profesional de Xornalistas de Galicia con Galicia Business School, os colexiados e colexiadas poden presentarse até o 17 de xuño a un novo sorteo de medias bolsas (dun 50% de desconto sobre o prezo total) para profesionais nos programas de formación desta escola.

O domingo 23, o goberno de Belarús desviaba un voo comercial para deter o xornalista disidente Roman Protasevich e a súa compañeira, Sofia Sapega. O "secuestro de estado", inaudito, provocou a indignación internacional, pero tamén serviu como chamada de atención hacia a situación da liberdade de prensa no país, a peor de toda Europa e unha das máuis deterioradas do mundo, con decenas de xornalistas privados de liberdade. 

A fotoxornalista Mónica Vila Ferreirós traballou na primeira liña da pandemia dende o seu comezo. Percorría as rúas, disparándolle á covid, cando a poboación estaba confinada. Corrían tempos difíciles, polo que fixo unha aposta en común xunto con outros colegas de profesión (Brais Lorenzo, Óscar Corral, Agostiño Iglesias, Miguel Muñiz e Miguel Riopa) para crearen unha memoria fotográfica desta crise en Galicia e hoxe anda metida noutro proxecto semellante con profesionais a nivel España. Nesta entrevista falamos sobre o estado de saúde do fotoxornalismo. Opina Mónica que hai escaseza de liberdade e de obxectividade ou que “as prexubilacións deixaron fóra aos profesionais máis experimentados e os temas de interese decídenos os  “Gústame” da Internet”. Desprega argumentos coma o que podemos ler máis arriba, na cabeceira, que fai referencia a unha “profesión que cada vez parece máis un gabinete de comunicación con  condicións de traballo precarias” pero que, aínda así, enche á nosa entrevistada de responsabilidade e orgullo.

A fotoxornalista Mónica Vila Ferreirós traballou na primeira liña da pandemia dende o seu comezo. Percorría as rúas, disparándolle á covid, cando a poboación estaba confinada. Corrían tempos difíciles, polo que fixo unha aposta en común xunto con outros colegas de profesión (Brais Lorenzo, Óscar Corral, Agostiño Iglesias, Miguel Muñiz e Miguel Riopa) para crearen unha memoria fotográfica desta crise en Galicia e hoxe anda metida noutro proxecto semellante con profesionais a nivel España. Nesta entrevista falamos sobre o estado de saúde do fotoxornalismo. Opina Mónica que hai escaseza de liberdade e de obxectividade ou que “as prexubilacións deixaron fóra aos profesionais máis experimentados e os temas de interese decídenos os  “Gústame” da Internet”. Desprega argumentos coma o que podemos ler máis arriba, na cabeceira, que fai referencia a unha “profesión que cada vez parece máis un gabinete de comunicación con  condicións de traballo precarias” pero que, aínda así, enche á nosa entrevistada de responsabilidade e orgullo.

A partir deste vindeiro martes, 1 de xuño, e ata o xoves 30 de setembro, o Colexio Profesional de Xornalistas de Galicia funcionará en horario de verán, de luns a venres de 8.00 a 15.00 horas, segundo estipula o convenio de Despachos e Oficinas da provincia da Coruña.

Amplíase 30 días o prazo para optar aos 6.000 euros da VI bolsa ‘Nacho Mirás’ para xornalistas noveis, organizada e desenvolvida polo Colexio Profesional de Xornalistas de Galicia e patrocinada por Abanca, coa colaboración da Facultade de Ciencias da Comunicación da Universidade de Santiago de Compostela. Até o 30 de xuño poderanse enviar as propostas de proxectos xornalísticos.