O Compromiso público polo emprego e a profesión xornalística, o acordo impulsado polos colexios profesionais de xornalistas en defensa da contratación de xornalistas para os labores informativos nas administracións, vén de ser subscrito pola Federación Galega de Municipios e Provincias, que apoia a contratación de titulados e/ou colexiados nos gabinetes de prensa e anima aos concellos a mellorar as políticas de comunicación como unha ferramenta "fronte á contaminación informativa existente".

A Xunta de Goberno do Colexio Profesional de Xornalistas de Galicia lamenta a situación do El Correo Gallego, que vén de declarar concurso de acredores. Desde o CPXG demándase o pagamento das numerosas nóminas que se deben aos e ás traballadoras e desexa que se manteña nun futuro a cabeceira con todo o cadro de persoal. 

Proxecto Ikigai. Xornalismo colaborativo e transmediático pola saúde mental é unha guía multiplataforma para mellorar a información sobre a saúde mental, realizada polo alumnado de primeiro curso do grao de Xornalismo da USC, baixo a coordinación de José Casás, Xosé López e Ana Isabel Rodríguez Vázquez e coa colaboración do Colexio de Xornalistas e o Grupo de Investigación ESCULCA.

O xoves que vén, 30 de xuño, remata o prazo para presentarse á sétima bolsa ‘Nacho Mirás’ para xornalistas noveis, destinada a promover proxectos xornalísticos de novos e novas tituladas en Xornalismo ou Comunicación Audiovisual. A bolsa está organizada e desenvolvida polo Colexio Profesional de Xornalistas de Galicia e patrocinada por Abanca, e ten unha dotación de 6.000 euros. 

Reporteiros Sen Fronteiras (RSF), entidade coa que colabora o Colexio Profesional de Xornalistas de Galicia, mantén aberta unha campaña de captación de fondos para fornecer aos xornalistas que cubren o conflito de Ucraína con material de protección, así como outro tipo de cobertura para a súa seguridade. A iniciativa súmase a outras accións de RSF para a protección dos xornalistas en todo o mundo.

A enquisa mundial sobre cobertura do cambio climático realizada pola FIP revela que só un de cada catro xornalistas cre que o seu medio trata de maneira axeitada a crise climática, malia a que o 82% dos profesionais enquisados están "moi preocupados" por esta cuestión. Desde a profesión reclámase formación e ferramentas para abordar esta temática.

Ás 14.00 horas do vindeiro luns, 20 de xuño, remata o prazo para presentar candidaturas á segunda edición do premio 'Somos Esenciais', convocado polo Colexio Profesional de Xornalistas de Galicia, en colaboración con Gadis, para recoñecer o traballo xornalístico máis salientábel sobre a Covid-19 en Galicia no ano 2021.

Continúa aberto até o 30 de xuño o prazo para presentarse á sétima bolsa ‘Nacho Mirás’ para xornalistas noveis, organizada e desenvolvida polo Colexio Profesional de Xornalistas de Galicia e patrocinada por Abanca. A bolsa ten unha dotación de 6.000 euros, destinada a promover proxectos xornalísticos de novos e novas tituladas en Xornalismo ou Comunicación Audiovisual. 

En virtude do convenio do Colexio Profesional de Xornalistas de Galicia con Galicia Business School, os colexiados e colexiadas poden presentarse entre o 6 e o 17 de xuño a un novo sorteo de medias bolsas (dun 50% de desconto sobre o prezo total) para profesionais nos programas de formación desta escola para o curso 2022-2023.

Amplíase 30 días o prazo para optar aos 6.000 euros da VII bolsa ‘Nacho Mirás’ para xornalistas noveis, organizada e desenvolvida polo Colexio Profesional de Xornalistas de Galicia e patrocinada por Abanca, coa colaboración da Facultade de Ciencias da Comunicación da Universidade de Santiago de Compostela. Até o 30 de xuño poderanse enviar as propostas de proxectos xornalísticos.