En menos de dúas semanas, o luns 1 de xuño ás 14:00 horas, remata o prazo para presentar candidaturas á sexta edición do premio 'Somos Esenciais', convocado polo Colexio Profesional de Xornalistas de Galicia, coa colaboración de Gadis, para premiar traballos xornalísticos de temática social publicados ou emitidos en Galicia no 2025.
Francisco G. Sarria, exdecano do Colexio Profesional de Xornalistas de Galicia e actual vicedecano terceiro, vén de gañar o XXXV Premio Xosé Aurelio Carracedo de xornalismo, convocado pola Deputación de Ourense, á traxectoria profesional. O xurado recoñeceu tamén a Diego Freire, de Noticias Dispersas, co premio ao mellor traballo xornalístico polo documental “Quen contamina a Limia”, ademais dun accesit a Xosé Lois Colmenero, do Diario do Támega.
O programa de radio realizado ao vivo o pasado 25 de abril en Santiago de Compostela pon o ramo ao podcast do Colexio de Xornalistas sobre Begoña Caamaño, realizado co apoio da Secretaría Xeral da Lingua da Xunta de Galicia. As case dúas horas de testemuños de compañeiras de profesión, lectura de textos da homenaxeada e a música de Uxía serven así de epílogo aos cinco episodios de Poñer a voz.
O encontro aberto do Foro Territorio Rural Resiliente, que se celebra o 28 de maio na Cidade da Cultura, abordará entre outros temas a importancia da comunicación no rural. A iniciativa da Fundación Juana de Vega e o Laboratorio do Territorio da USC, que conta coa colaboración do Colexio de Xornalistas, quere contribuír á creación dun rural máis activo e preparado para os distintos retos, e vén precedida dunha reflexión de meses de máis de 100 entidades e persoas.
O Colexio Profesional de Xornalistas de Galicia amplía até o luns 1 de xuño o prazo para optar aos 2.000 euros da sexta edición do premio 'Somos Esenciais', que convoca en colaboración con Gadis. O galardón recoñece traballos xornalísticos de temática social emitidos ou publicados en Galicia no 2025. Até as 14:00 horas dese día poden presentarse as candidaturas.
O xornalista galego José Precedo recolleu esta mañá en Pontevedra o XXII Premio Xornalistas de Liberdade de Prensa, nun acto convocado polo Colexio Profesional de Xornalistas de Galicia coa colaboración do Concello de Pontevedra. O galardoado defendeu que o traballo xornalístico "é sempre un traballo colectivo".
Colexio profesional con sede en Santiago de Compostela selecciona un ou unha xornalista para cubrir, con carácter temporal, a praza de responsábel de gabinete de comunicación.
"A radio acesa", a quinta entrega de Poñer a voz, o podcast do Colexio de Xornalistas realizado co apoio da Secretaría Xeral da Lingua da Xunta de Galicia e baixo a dirección de Lucía Junquera, aborda a herdanza deixada por Begoña Caamaño para as futuras xeracións de xornalistas. Con este episodio ponse o remate ao retrato sonoro desta comunicadora, máis aínda haberá unha entrega extra a semana que vén coa posta a disposición da gravación da xornada realizada o pasado 25 de abril.
O martes que vén, 12 de maio, ás 14:00 horas remata o prazo para presentar candidaturas á sexta edición do premio 'Somos Esenciais', convocado polo Colexio Profesional de Xornalistas de Galicia, coa colaboración de Gadis, para premiar traballos xornalísticos de temática social publicados ou emitidos en Galicia no 2025.
O acto de entrega do XXII Premio Xornalistas de Liberdade de Prensa a José Precedo, organizado polo Colexio Profesional de Xornalistas de Galicia coa colaboración do Concello de Pontevedra, vai ter lugar a partir das 12:00 deste sábado na Casa Consistorial de Pontevedra (Praza de España, 1). Precedo, xornalista galego de elDiario.es, defendeu o pasado novembro o dereito ao segredo xornalístico ante o Tribunal Supremo, no cadro do proceso ao Fiscal Xeral do Estado.