A Deputación Provincial de Lugo realiza unha convocatoria de proceso selectivo para a elaboración dunha listaxe de emprego temporal de técnicos e técnicas de comunicación audiovisual. 

A Xunta de Goberno do Colexio Profesional de Xornalistas de Galicia desaproba a convocatoria dunha praza de técnico ou técnica de comunicación e imaxe na Autoridade Portuaria de Vigo. Na convocatoria, malia as funcións claramente informativas do posto, só se require unha diplomatura, enxeñaría técnica ou formación profesional de grao superior.

O xornal La Opinión A Coruña busca un ou unha xornalista para incorporarse inmediatamente á súa redacción cun contrato temporal. 

O Col·legi de Periodistes de Catalunya vén de renovar a súa plataforma de formación. A partir de agora, as colexiadas e colexiados do CPXG poderán acceder ao prezo reducido para os cursos, nas mesmas condicións que os membros do Col·legi, dunha maneira máis sinxela, mediante a introdución de un código no formulario web. 

O xornal dixital Metropolitano.gal busca reforzar a súa redacción coa incorporación dun ou dunha xornalista dixital, a xornada completa, para cubrir a información de Vigo e a súa contorna.

Este sábado 31 de xaneiro celebrouse unha xornada de formación en alfabetización mediática organizada polo Colexio Profesional de Xornalistas de Galicia, na que unha vintena de xornalistas aprenderon os fundamentos da desinformación, así como os recursos didácticos dispoñíbeis para loitar contra ela desde a alfabetización mediática. O curso, impartido por Vivian Rangel, de Maldita.es, busca formar docentes para os proxectos de alfabetización mediática do Colexio.

A Xunta de Goberno do Colexio Profesional de Xornalistas de Galicia convoca a XXV Asemblea Xeral Ordinaria do CPXG, que terá lugar o sábado 21 de febreiro de 2025, ás 11.30 horas en primeira e ás 12.00 horas en segunda convocatoria. Pódese participar na Asemblea tanto de maneira presencial no salón de actos do edificio Cersia (Alcalde Raimundo López Pol, s/n) en Santiago de Compostela como de forma virtual, sendo imprescindíbel en calquera caso confirmar a asistencia antes do 16 de febreiro.

A decana do Colexio de Xornalistas, Belén Regueira, e a vicedecana primeira, Sonia Vizoso, mantiveron este xoves unha xuntanza con Roberto Barba, director xeral de Loita contra a Violencia de Xénero da Xunta de Galicia, e Patricia Fernández, subdirectora xeral, co obxectivo de pór en marcha unha nova fase de obradoiros de formación especializada nos medios galegos sobre tratamento de violencia contra as mulleres.   

O Colexio Profesional de Xornalistas de Galicia abre a convocatoria da vixésimo segunda edición do Premio Xornalistas de Liberdade de Prensa, que recoñece o traballo dunha persoa ou organización destacada na defensa da liberdade de prensa ou cunha traxectoria profesional destacable libre e independente. Pódense presentar candidaturas ao galardón desde hoxe ata o martes 3 de marzo ás 14:00 horas.

Mañá, martes 27, é o último día para inscribirse na nova xornada de formación, gratuíta para todas as persoas colexiadas, que terá lugar o sábado 31 de xaneiro entre as 9.30 e as 15.00 horas no edificio Cersia de Santiago de Compostela. A formación esta destinada a formar os equipos do Colexio de Xornalistas para impartir de maneira remunerada obradoiros de alfabetización mediática e está pensada tanto para as persoas que queiran pasar a formar parte da bolsa de traballo de formadoras e formadores como para aquelas que xa recibiron a formación inicial.