A Asociación Proyecto Hombre publicou recentemente a guía de comunicación Cómo mejorar la información sobre las adicciones, que busca combater os mitos e estereotipos no tratamento informativo desta problemática. Esta ferramenta fornece datos e información científica, propón enfoques axeitados, ferramentas de redacción ou fontes e ofrece alternativas terminolóxicas e de imaxes.
O comunicador vasco Pablo González, que foi candidato ao Premio Couso deste 2022, cumpre 200 días encarcerado en Polonia sen coñecer as probas na súa contra nin ter visitas ou chamadas da familia. O xornalista denunciou recentemente ao Tribunal Europeo de Dereitos Humanos as condicións do seu proceso xudicial e o seu réxime penitenciario, e o seu caso recibiu nos últimos días apoios como os de Reporteiros Sen Fronteiras e case unha trintena de organizacións sindicais.
A organización non gobernamental Provivienda, que traballa desde 1989 para dar resposta ás necesidades residenciais de todas as persoas, especialmente daquelas en situación de maior dificultade, está a desenvolver na actualidade o proxecto ‘’Desmontando o discurso de odio sobre migración e vivenda: mitos y realidades’’, para o que solicitan a colaboración de profesionais da comunicación mediante a cobertura dun cuestionario.
Este martes, o Consello de Ministros aprobou o Proxecto de lei que regula a protección das persoas que informen sobre infraccións que vulneren o ordenamento europeo e nacional, que traspón con oito meses de retraso a directiva europea de seguridade para os alertadores ou whistleblowers. Vinte e cinco organizacións enviaron un decálogo de recomendacións para mellorar a norma e aumentar a protección e seguridade dos informantes.
O proxecto de Real Decreto que inclúe as publicacións de prensa entre os titulares de dereito a remuneración por copia privada supera a fase de consulta pública e comeza a súa tramitación parlamentaria. A Asociación de Medios de Información mostrou a súa "satisfacción" polo inclusión de xornais e revistas entre os acredores desta compensación, que "equipara a situación co resto de Europa".
Catro novos asasinados en agosto elevan a cifra total de informadores mortos en México a catorce, o que fai deste 2022 o ano máis mortífero para o xornalismo no país desde que se teñen rexistros, segundo Reporteiros Sen Fronteiras. A organización internacional traballa para estabelecer se estas mortes se produciron a causa do seu labor informativo, algo que xa está confirmado en polo menos dez asasinatos no que vai de ano no país norteamericano, e 156 desde o ano 2000.
Medio dixital en galego busca xornalista para cubrir unha vacante de redactor ou redactora no seu cadro de persoal.
Na última semana, diversas informacións sobre o exercicio do xornalismo en México, Guatemala e Nicaragua fixeron aumentar a inquietude polas condicións da profesión nesa parte do globo. O asasinato de Ernesto Méndez, a detención de José Rubén Zamora ou o feche de varios medios de comunicación nicaraguanos son novas que fan pensar nunha nova vaga de represión cotnra a liberdade de prensa neses países.
Por descanso vacacional, o Colexio Profesional de Xornalistas de Galicia (CPXG) vai permanecer pechado entre os vindeiros días 6 e 28 de agosto, ambos os dous incluídos, retomando a súa actividade normal a partir do luns 29 de agosto.
Este martes aprobouse o decreto-lei que modifica o sistema de cotización para traballadores autónomos, no que se inclúen os xornalistas á peza ou freelance. Recollemos nesta información algúns ddocumentos para responder ás dúbidas sobre esta reforma, que afectará ás cotas entre o 2023 e o 2025.