Colexio Profesional de Xornalistas de Galicia

Novas

Este sábado 25, o Colexio de Xornalistas homenaxea a Begoña Caamaño na Casa das Máquinas de Santiago

martes, 21 de abril de 2026

O Colexio Profesional de Xornalistas de Galicia, coa colaboración da Secretaría Xeral da Lingua, organiza este sábado 25 de abril unha xornada arredor do labor xornalístico de Begoña Caamaño, que se desenvolverá a partir das 12:00 na Casa das Máquinas de Santiago de Compostela. O encontro, organizado baixo a forma dun programa de radio, estará conducido por Mónica Rosas e reunirá a profesionais que traballaron coa homenaxeada no Día das Letras, ademais doutras xeracións de xornalistas e a actuación musical de Uxía. O acto ten entrada libre e gratuíta.
A mesa sobre xornalismo e incendios reivindicou o papel da profesión e analizou o cambio que supuxeron os lumes de 2025 en Ourense

luns, 20 de abril de 2026

O Liceo de Ourense acolleu este sábado 18 o encontro de xornalistas Informar desde o lume. Xornalismo e incendios forestais, organizado polo Colexio Profesional de Xornalistas de Galicia para reflexionar sobre a cobertura informativa dos lumes forestais e os cambios que implica a aparición dos incendios de sexta xeración. Miguel Cao, Uxía Carrera, Carlos García Hervella, Juan Maceiras e Santi M. Amil reivindicaron no debate o papel indispensable do xornalismo na información sobre incendios e destacaron o desafío que supuxo para a profesión a vaga de incendios do 2025.
Xa dispoñíbel o segundo episodio do podcast 'Poñer a voz'

xoves, 16 de abril de 2026

Desde hoxe, xa pode escoitarse "Ondas da radio de Vigo", a segunda entrega de Poñer a voz, o podcast do Colexio de Xornalistas, realizado co apoio da Secretaría Xeral da Lingua da Xunta de Galicia e baixo a dirección de Lucía Junquera, que reivindica o labor de Begoña Caamaño como xornalista no cadro da celebración do Día das Letras Galegas.
O CPXG celebra a Begoña Caamaño cun podcast e unha xornada sobre o seu traballo xornalístico

xoves, 9 de abril de 2026

No Ano das Letras de Begoña Caamaño, o Colexio Profesional de Xornalistas de Galicia reivindica a súa figura como xornalista cun podcast dirixido por Lucía Junquera, do que hoxe se estrea o primeiro episodio, e un encontro periodístico que se desenvolverá o vindeiro sábado 25 de abril na Casa das Máquinas de Santiago. Estes actos, agrupados baixo a denominación Poñer a voz, están realizados coa colaboración da Secretaría Xeral da Lingua da Xunta de Galicia.
O CPXG lembra ao alumnado de xornalismo da USC que pode colexiarse de balde

xoves, 12 de marzo de 2026

Na tarde do luns 9 de marzo, Valeria Pereiras Reza, membro da Xunta de Goberno do Colexio Profesional de Xornalistas, acudiu á aula da materia de Áreas de Especialización Xornalística da Facultade de Ciencias de Comunicación da Universidade de Santiago de Compostela para manter un encontro co alumnado do cuarto curso de Xornalismo. Na xuntanza, Pereiras explicou ao alumnado cal é labor do CPXG en defensa da profesión e cales son as vantaxes que conleva a colexiación, que é gratuíta para os e as estudantes que superaran a metade dos créditos.

Novas