O pasado venres 24 de xaneiro, a Federación Europea de Xornalistas (FEP) fixo pública a súa Declaración das e dos xornalistas á peza de Europa. O documento, presentado no Centro Cultural de Vichy en Francia ao remate do obradoiro “Negociación colectiva para traballadores autónomos”, organizado pola propia FEP, expón algunhas medidas precisas para garantir unhas condicións de traballo xustas, un trato igualitario e uns medios de vida adecuados para os e as xornalistas freelance en toda Europa.

A Xunta de Goberno do Colexio Profesional de Xornalistas de Galicia convoca a XXIV Asemblea Xeral Ordinaria do CPXG, que terá lugar o sábado 22 de febreiro de 2025, ás 11.00  horas en primeira e ás 11.30 horas en segunda convocatoria. Pódese participar na Asemblea tanto de maneira presencial na sede do Colexio Profesional de Xornalistas de Galicia (Rúa Ponferrada, 9, baixo) en Santiago de Compostela como de forma virtual, sendo imprescindíbel en calquera caso confirmar a asistencia antes do 17 de febreiro.

A Federación Europea de Xornalistas (FEP) e Reporteiros Sen Fronteiras (RSF) veñen de dirixir unha misiva á presidenta da Comisión Europea, Ursula von der Leyen, reclamándolle medidas urxentes para evitar que Meta peche en Europa o seu sistema de verificación de contidos, como xa fixo nos Estados Unidos. As organizacións de xornalistas salientan que "de aplicarse no territorio da UE, constituiría un grave ataque á integridade do espazo informativo europeo e a soberanía democrática da comunidade europea".

A Corporación Radio e Televisión de Galicia (CRTVG) está a seleccionar un ou unha xornalista para a elaboración de información na súa delegación de Ourense, en réxime de media xornada. Para candidatarse á oferta é preciso estar dado de alta como demandante de emprego. Ademais, cónvocase tamén un proceso de selección de tres persoas para ampliar as listaxes de contratación temporal de locutor ou locutora de radio.  

Con motivo do vinte e cinco aniversario, o Colexio Profesional de Xornalistas de Galicia inclúe a partir de hoxe no seu logotipo unha referencia a esta efeméride, e mañá iniciará nas redes sociais unha serie de recordatorios dos momentos máis destacados deste cuarto de século de traballo en defensa da profesión. Estas conmemoracións súmanse á exención dos gastos iniciais de colexiación para todas as persoas que se dean de alta no Colexio ao longo deste ano. 

A Guía para un xornalismo sensíbel á Diversidade, Equidade e Inclusión, posta en marcha pola Federación Internacional de Xornalistas, a Fundación para la Diversidad e outras tres organizacións italianas é un documento eminentemente práctico que busca transformar o xornalismo europeo nun axente de cambio social e cultural a través de recomendacións, alertas e boas prácticas.

A posta en liberdade de Cecilia Sala, xornalista italiana detida en Irán, fai comezar o 2025 cunha boa nova. A excarceración desta comunicadora vén a sumarse a outras producidas no ano pasado, de entre as que Reporteiros Sen Fronteiras escolleu recentemente as dez máis salientábeis. Entre elas, as de Julian Assange, Nilufar Hamedi e Elaheh Mohammadi, galardoados co Premio Couso.

Con motivo da celebración dos 25 anos do Colexio Profesional de Xornalistas de Galicia, as e os xornalistas que se dean de alta en 2025 non terán que pagar os gastos iniciais de colexiación. A medida encádrase nas distintas iniciativas que se celebrarán ao longo do ano para conmemorar esta efeméride.

O VI Premio Luísa Villalta concedido ao Colexio de Xornalistas pola Deputación da Coruña foi recollido esta mañá por Eliana Martíns, coordinadora do proxecto galardoado As mulleres no xornalismo Galego: a crónica revelada. Martíns definiu a iniciativa como "un diálogo entre o pasado e o presente" que une o legado das pioneiras do xornalismo galego con entrevistas a referentes actuais, e defendeu a reflexión sobre a profesión como unha garantía democrática.