O Colexio Profesional de Xornalistas de Galicia súmase á iniciativa de Reporteiros Sen Fronteiras e Avaaz para denunciar os ataques selectivos contra xornalistas perpetrados polo exército israelí en Gaza, así como para esixir o acceso sen restricións da prensa internacional ao territorio da Faixa. Desde o Colexio chámase aos medios e profesionais de Galicia a unirse este luns 1 de setembro ás accións suxeridas para defender a profesión xornalística palestina, que consisten na difusión de mensaxes alusivas e nun minuto de silencio ás 12:00.  A convocatoria xa conta co apoio de máis de 150 medios de comunicación en todo o mundo. 

O Colexio Profesional de Xornalistas de Galicia chama a profesión a unir a súa voz á protesta internacional polo asasinato de xornalistas por parte do exército israelí, tralo ataque aéreo que matou o pasado domingo en Gaza os reporteiros Anas al Sharif, Mohammed Qreiqeh, Ibrahim Zaher, Moamen Aliva, Mohammed Noufal e Mohamed al Khalidi.

Por descanso vacacional, o Colexio Profesional de Xornalistas de Galicia (CPXG) vai permanecer pechado entre os días 4 e o 22 de agosto, ambos os dous incluídos, retomando a súa actividade normal a partir do luns 25 de agosto.

Amplíase até o luns 15 de setembro o prazo para enviar propostas á X bolsa ‘Nacho Mirás’ para xornalistas noveis, organizada e desenvolvida polo Colexio Profesional de Xornalistas de Galicia e patrocinada por Abanca, coa colaboración da Facultade de Ciencias da Comunicación da Universidade de Santiago de Compostela. A bolsa ten unha dotación de 6.000 euros, destinada a promover proxectos xornalísticos de persoas tituladas recentemente en Xornalismo ou Comunicación Audiovisual.

A localidade murciana de Torre Pacheco ten vivido nos últimos días, ademais da violencia contra a poboación inmigrante ou racializada, numerosos ataques contra a liberdade de prensa. Xornalistas acosadas ou insultadas, faixas intimidatorias contra medios ou conferencias de prensa rebentadas foron algúns dos episodios sufridos polas e polos comunicadores, aos que cómpre sumar a difusión masiva de desinformación. O Colegio de Periodistas de Murcia e outras organizacións condenaron os feitos. 

O xoves 31 de xullo remata o prazo para presentar candidaturas á décima bolsa ‘Nacho Mirás’ para xornalistas noveis, organizada e desenvolvida polo Colexio Profesional de Xornalistas de Galicia e patrocinada por Abanca. A bolsa ten unha dotación de 6.000 euros, destinada a promover proxectos xornalísticos de persoas tituladas recentemente en Xornalismo ou Comunicación Audiovisual, aceptándose tamén o desenvolvemento de proxectos presentados como traballo de fin de grao ou de máster. O proxecto conta tamén coa colaboración da Facultade de Comunicación da USC.

Sonia Díaz, Ana González Liste e Marga Tojo, en representación de Agareso, o Colexio de Xornalistas e Xornalistas Galegas, presentaron este xoves na sede do CPXG os resultados do estudo realizado, dentro do proxecto Xeración Contrainfo, sobre a presenza de discursos misóxinos e antifeministas entre o alumnado dos institutos galegos.

Lara Graña, xornalista do Faro de Vigo, foi elixida gañadora do quinto Premio de Xornalismo 'Somos Esenciais', organizado polo Colexio Profesional de Xornalistas de Galicia en colaboración con Gadis, pola reportaxe de investigación «"García del Cid", el buque de luto y cólera». A mención de honra recaeu en Ángel Paniagua polo seu traballo «La vida tras el suicidio de una hija: "Esto le puede pasar a cualquiera"», publicado en La Voz de Galicia.

O Colexio Profesional de Xornalistas de Galicia, a Asociación Galega de Comunicación para o Cambio Social Agareso e Xornalistas Galegas organizan un Almorzo On/Off este xoves 10 de xullo para dar a coñecer os resultados do proxecto Xeración Contrainfo sobre a presenza de discursos misóxinos e antifeministas nos medios, nas redes sociais e nos IES galegos. O acto vai ter lugar ás 10:30 horas, na sede do Colexio de Xornalistas en Santiago de Compostela (Rúa Ponferrada, 9, baixo).

O Colexio Profesional de Xornalistas de Galicia presentou hoxe na sede do Consello da Cultura Galega As mulleres no xornalismo galego: A crónica revelada, premiado nos VI Premios “Luísa Villalta” da Deputación da Coruña. A través dun volume de máis de 200 páxinas e un espazo web con materiais adicionais, este proxecto estabelece un diálogo entre o legado das pioneiras do xornalismo galego e as referentes femininas da nosa profesión na actualidade.