A rede iberoamericana de xornalistas Women in the News Network (WINN) e a Asociación Mundial de Xornais (WAN-IFRA) presentaron esta semana a versión en castelán da Guía de Equilibrio de Xénero para medios: amplificando as voces de mulleres. A publicación dixital pretende fornecer aos medios "dunha ferramenta que dá elementos teóricos para entender por que o equilibrio de xénero é importante e que papel teñen os medios neste tema". A guía foi presentada pola colombiana Jineth Bedoya, editora de temas especiais no xornal El Tiempo e iniciadora da campaña No es hora de callar e a chilena Paula Escobar, columnista e directora da cátedra Mulleres e Medios da Universidad Diego Portales.

A guía de WINN está dividida en 6 capítulos: Por que é importante o equilibrio de xénero, Como estereotipamos nos medios, Accións para mellorar o equilibrio de xénero, Estratexias organizacionais, Monitorear o equilibrio de xénero e Os gañadores do equilibrio de xénero (sobre experiencias exitosas de igualdade nos medios de comunicación). Cada un deles vai acompañado dun cuestionario para valorar o aprendido e unha infografía. Ademais, ofrécense recursos adicionais como un glosario, enderezos de contacto ou a posibilidade de descargar a guía en formato pdf. 

Na presentación, as xornalistas destacaron datos como que segundo o último informe do proyecto Monitoreo Global de Medios (GMMP),  só un 26% das persoas sobre as que se informa na prensa, radio ou televisión son mujeres; ou que os datos de ONUMulleres indican que, ao ritmo actual, tardaríanse aínda 67 anos en acadar a igualdade nos medios de comunicación. Na presentación, Escobar destacou que "un xornalismo que deixa fuera a metade da poboación, non pode ser bo xornalismo".

A guía foi desenvolvida pola WAN-IFRA co apoio da Axencia de Cooperación para o Desenvolvemento Internacional de Suecia e do Ministerio de Relacións Exteriores de Noruega. A versión en castelán súmase ás xa disponíbeis até agora en inglés, árabe, ruso, vietnamita e birmano.

CPXG