Este sábado 22 de febreiro celebrouse na sede do Colexio Profesional de Xornalistas de Galicia a súa XXIV Asemblea Xeral Ordinaria, na que foron aprobadas a memoria de actividades e as contas do ano 2024, así como o plan de traballo e os orzamentos para o vindeiro 2025.
O proxecto Media Freedom Rapid Response publicou o seu Informe de Seguimento do 2024, que recolle máis de 1.500 ameazas á liberdade de prensa en Europa, unha suba considerábel fronte ás rexistradas o ano anterior. Os ataques na Internet e en manifestacións e protestas, así como as accións legais e a censura, son os ataques máis importantes aos que ten que responder o xornalismo europeo.
O Colexio Profesional de Xornalistas de Galicia abre a convocatoria da XXI edición do Premio Xornalistas de Liberdade de Prensa, que recoñece o traballo dunha persoa ou organización destacada na defensa da liberdade de prensa ou cunha traxectoria profesional destacable libre e independente. Pódense presentar candidaturas ao galardón desde hoxe ata o xoves 6 de marzo ás 14:00 horas.
A Corporación Radio e Televisión de Galicia (CRTVG) abre convocatoria dunha proba selectiva para a obtención dun contrato en prácticas na categoría de redactor ou redactora.
Como todos os 13 de febreiro, hoxe celébrase o Día Mundial da Radio. Nesta ocasión, a Unesco quere apoiar as emisoras na cobertura xornalística da emerxencia climática, lembrando que o 2025 debera ser, segundo o acordo de París, un ano clave para loitar contra o quentamento global. Para abordar o cambio climático, a convocatoria avoga pola calidade e diversidade das fontes de información, así como pola independencia editorial.
As xornalistas Nilufar Hamedi e Elaheh Mohammadi, gañadoras do XX Premio Couso e condenadas a cinco anos de prisión por informar do caso de Mahsa Amini, foron indultadas con motivo do aniversario da Revolución Islámica. O Colexio de Xornalistas alégrase de que os seus casos queden pechados e recuperen a liberdade.
A Comisión Europea selecciona doce xornalistas para incorporarse a un novo equipo de traballo para contrarrestar a desinformación e a manipulación informativa na súa sede de Bruxelas. Sete das prazas ofertadas son como analista e cinco como responsábel de comunicación e información.
Un total de 1058 persoas déronse de alta no epígrafe do IAE para xornalistas desde o ano 2022 en Galicia, o que a converte na quinta comunidade con máis xornalistas autónomas e autónomos, tras Madrid, Cataluña, Andalucía e a Comunidade Valenciana. Con todo, no mesmo tempo producíronse tamén 521 baixas, cun saldo neto de 537 novas altas.
Cáritas Diocesana de Santiago convoca unha praza de técnico ou técnica do departamento de comunicación dos seus servizos xerais. Para o posto é precisa a licenciatura, grao ou título de formación equivalente en comunicación, ademais de dominio do castelán, galego e inglés e disponibilidade horaria.
O xornal La Opinión A Coruña busca unha persoa titulada en Xornalismo para realizar labores de redacción na sección de Deportes, nas súas edicións dixital e impresa.