Como xa sabes, se o teu carné de colexiada ou colexiado caduca en xuño deste ano, podes enviarnos até o domingo 5 de abril unha fotografía recentes para incluír nos novos documentos, así como actualizar calquera dos teus datos persoais, de cara a poder incluílo no proceso de renovación en marcha.
O martes 7 de abril ás 14:00 horas remata o prazo para que as colexiadas e colexiados do Colexio de Xornalistas poidan escoller o gañador ou gañadora do XXII Premio Xornalistas de Liberdade de Prensa. As candidaturas propostas para o premio nesta edición son Mary Bruce, Periodistas y Comunicadores Independientes de Nicaragua e José Precedo. Accede co teu contrasinal e vota aquí.
A Real Academia Galega de Belas Artes dedica este ano o Día das Artes Galegas a José Suárez. O Colexio de Xornalistas celebra a decisión de conmemorar o allaricense, que exerceu de fotoxornalista en numerosas publicacións, e considéraa unha reivindicación desta disciplina informativa. O vindeiro 13 de abril o Colexio organizará, dentro do programa oficial, un acto divulgativo sobre o labor xornalístico de Suárez, que terá lugar ás 10:00 na Facultade de Ciencias da Comunicación da USC, coa presenza de Xurxo Lobato e Xosé Luis Suárez Canal.
Na tarde do luns 9 de marzo, Valeria Pereiras Reza, membro da Xunta de Goberno do Colexio Profesional de Xornalistas, acudiu á aula da materia de Áreas de Especialización Xornalística da Facultade de Ciencias de Comunicación da Universidade de Santiago de Compostela para manter un encontro co alumnado do cuarto curso de Xornalismo. Na xuntanza, Pereiras explicou ao alumnado cal é labor do CPXG en defensa da profesión e cales son as vantaxes que conleva a colexiación, que é gratuíta para os e as estudantes que superaran a metade dos créditos.
Tres candidaturas optan este ano ao XXII Premio Xornalistas de Liberdade de Prensa, convocado polo Colexio Profesional de Xornalistas de Galicia. As colexiadas e colexiados poderán escoller entre concederlle o galardón á estadounidense Mary Bruce, correspondente xefa de ABC News na Casa Branca atacada por Trump; á organización Periodistas y Comunicadores Independientes de Nicaragua (PCIN), en representación das e dos xornalistas perseguidos nese país; ou ao xornalista galego de elDiario.es José Precedo, que defendeu o dereito ao segredo xornalístico ante o Tribunal Supremo.
O Colexio Profesional de Xornalistas de Galicia convoca un ano máis, en colaboración con Gadis, o seu premio 'Somos Esenciais', que baixo o lema A información ao servizo da xente premia con 2.000 euros a xornalistas ou fotoxornalistas que publicaran información de temática social en Galicia no 2025. O prazo de presentación de propostas estará aberto ata as 14.00 horas do martes 12 de maio de 2026.
O xornal dixital GCiencia busca un ou unha xornalista para incorporarse inmediatamente á súa redacción cun contrato de traballo formativo para a obtención da práctica profesional.
O Colexio Profesional de Xornalistas de Galicia vai proceder, en xuño deste ano, a renovar a meirande parte dos carnés que identifican como profesionais do xornalismo e membros do CPXG. Até o 5 de abril as colexiadas e colexiados poden enviar fotografías recentes para os novos documentos, así como actualizar calquera dos datos persoais.
Este sábado 21 de febreiro celebrouse no Edificio Cersia de Santiago a XXV Asemblea Xeral Ordinaria do Colexio Profesional de Xornalistas de Galicia. Nela, as colexiadas e colexiados aprobaron por unanimidade a memoria de actividades e as contas do 2025, así como o plan de traballo e os orzamentos para o ano en curso.
Ás 14:00 horas do martes 3 de marzo remata o prazo para enviar candidaturas ao XXII Premio Xornalistas de Liberdade de Prensa. Convocado polo Colexio de Xornalistas, este galardón recoñece o traballo dunha persoa ou organización destacada na defensa da liberdade de prensa ou cunha traxectoria profesional destacable libre e independente.