O fotoxornalista de El País Albert Garcia, acusado de atentado contra a autoridade e lesións, e ao que se lle chegaran a pedir ano e medio de cadea, foi este martes finalmente absolto por falta de probas. O caso da súa detención xerara moitas críticas entre a profesión xornalística e o CPXG sumárase ao comunicado contra a petición de prisión da Fiscalía.
O European Journalism Centre disponibiliza unha guía para axudar ás e aos xornalistas freelance a informar sobre situacións de pobreza. Con esta publicación complétase unha serie de oito documentos con consellos para informar sobre vacinas, xénero, xornalismo de solucións, refuxiados e migracións, desinformación, obxectivos de desenvolvemento sustentábel e cambio climático.
O Parlamento Europeo aprobou unha resolución pedindo un fondo de carácter permanente que sirva para facilitar aos medios a recuperación tras a pandemia, a adaptación á era dixtial e a defensa da súa independencia. O texto reclama tamén ferramentas para protexer o xornalismo das presións gobernamentais e dos ataques depredadores dos grandes xigantes tecnolóxicos.
O decano do Colexio Profesional de Xornalistas de Galicia (CPXG), Francisco X. González Sarria, e a conselleira de Emprego e Igualdade da Xunta de Galicia, María Jesús Lorenzana, asinaron un convenio para o desenvolvemento dun plan de formación en materia de igualdade e prevención e tratamento da violencia de xénero dirixido a profesionais dos medios de comunicación.
O Sindicat de Periodistes de les Illes Balears publicou a guía Xornalismo e Saúde mental, que busca axudar aos e as xornalistas a evitar prexuízos, corrixir erros e fomentar a inclusión á hora de informar sobre o grave problema de saúde pública que representan os trastornos mentais.
O Centro de Resposta á Violencia Online é unha plataforma posta en marcha pola Coalición Contra a Violencia Online co obxectivo de ofrecer axuda ás mulleres xornalistas vítimas deste tipo de ataques na rede, así como recursos tanto para elas como para o conxunto das redaccións e persoas achegadas. O 73% das comunicadoras teñen manifestado sufrir este tipo de ataques no seu traballo, o que o converte nun dos principais problemas aos que se enfrontan as mulleres xornalistas.
"Despedir os xornalistas mata a noticia" é o lema escollido este ano pola FIP para celebrar a Xornada Mundial polo Traballo Decente. A organización chamando a gobernos e medios de comunicación a protexer os postos de traballo dos e das comunicadoras e a garantir o dereito a recibir información de calidade nun contexto marcado polos efectos devastadores da pandemia. Para isto, lembra as medidas incluídas da Plataforma Global para el Periodismo de Calidad do 2020.
Desde este venres 1 de outubro, o Colexio de Xornalistas regresa ao horario de inverno, segundo estipula o convenio de Despachos e Oficinas da provincia de A Coruña. A partir de agora, o CPXG estará aberto de 9.00 a 14.00 e de 16.00 a 19.00 horas de luns a xoves e de 08.00 a 15.00 horas os venres.
O vindeiro martes 2 de novembro terá lugar na Haia a audiencia inaugural do Tribunal do Pobo sobre o Asasinato de Xornalistas, creado dentro do Tribunal Permanente dos Pobos, a petición de FPU, RSF e o CPJ, para xulgar aos gobernos de Sri Lanka, México e Siria pola falta de xustiza ante os asasinatos de tres comunicadores.
Con motivo do Día Internacional do Dereito de Acceso Universal á Información, a Coalición Pro Acceso, na que se unen un cento de organizacións, reclamou ao Goberno de España unha serie de avances en materia de transparencia e acceso que inclúen recoñecer a transparencia como un dereito fundamental , promulgar unha lei orgánica de transparencia que cumpra os estándares internacionais e asinar e ratificar o Convenio do Consello de Europa sobre Acceso a Documentos Públicos.