A BBC deberá difundir documentos segredos que revelarán as razóns polas que Greg Dyke foi forzado a demitir como director xeral da Corporación despois de que se fixesen públicas as conclusións do informe Hutton.

O 11 de xaneiro de 2002 eran trasladados á base militar de Guantánamo (este de Cuba) varios centos de individuos, capturados polo exército norteamericano na operación 'liberdade duradeira', en Afganistán. Esa data marcou a apertura dun auténtico gulag tropical que recibiría ata 770 presos, entre os que se encontra o camarógrafo sudanés da canle qatarí Al-Jazira Sami Al-Haj, quen permanece detido sen cargos desde o 13 de xuño de 2002.

A Comunidade de Madrid abriu onte o concurso público para a adxudicación das 21 novas emisoras de radio da rexión, aprobadas polo Consello de Ministros o pasado 1 de setembro no marco do Proxecto Técnico Nacional de Frecuencia Modulada. Porén, o Goberno de Esperanza Aguirre quixo informar de que acudiu ó Tribunal Supremo ó considerar discriminatorio, por escaso, o reparto levado a cabo polo Ministerio de Industria.

A televisión escapou do televisor e vai camiño de coarse nos automóbiles e os teléfonos móbiles, grazas a novos dispositivos presentados en Las Vegas para que o espectador nunca teña que perderse un partido de fútbol.

O avogado Leopoldo Torres solicitoulle á Audiencia Nacional que ordene a detención internacional e a prisión incomunicada e sen fianza dos tres militares estadounidenses que deron a orde ou dispararon o tanque que causou a morte do cámara de Telecinco José Couso en Bagdade.

Un Tribunal de Cartagena revogou a prisión cautelar que pesaba sobre o correspondente da Televisora do Sur (Telesur) en Colombia, Fredy Muñoz Altamiranda, que estaba detido no cárcere de El Bosque, en Barranquilla, desde fai 52 días acusado de rebelión e terrorismo.

Columnistas locais do periódico Cuarto Poder de Tuxtla Gutiérrez, Chiapas, decidiron iniciar unha 'folga de plumas' en protesta pola censura que pretende porse nese diario ó xornalista Amet Samayoa Arce, autor de Tarot Político.

A Policía de Nixeria está a investigar o asasinato do veterano xornalista Godwin Agbroko, quen foi baleado na cidade de Lagos o 22 de decembro de 2006, informan o Committee to Protect Journalists (Comité pola Protección dos Xornalistas, CPJ) e Reporteiros Sen Fronteiras (RSF).

Vixiar que as novas canles de Televisión Dixital Terrestre (TDT) cumpran a obriga de emitir un 30% do tempo, cando menos, en galego. Este é un dos obxectivos da nova "plataforma de control de contidos para as emisións" que prevé crear a Xunta. Un novo ente controlaría así a programación das empresas que gañaron a polémica adxudicación das 45 locais e as dúas para todo o país. A TDT ten unha especial relevancia no país debido aos problemas de recepción da sinal analóxica. Galiza xa é, xunto con Andalucía, a comunidade con máis audiencia nas primeiras emisións en TDT.

Desde o pasado venres, 15 de decembro, os traballadores de Ediciones Reunidas están a levar a cabo concentracións ante a sede do Grupo Zeta en Madrid. A empresa agrupa a varias revistas mensuais de quiosco (como Woman, Man, PlayStation 2 Revista Oficial, Viajar ou PC Plus) e a outras corporativas (como Ronda Iberia ou Teletodo).