Os traballadores do diario de esquerdas francés 'Libération' deron luz verde ó cambio de estatuto da sociedade, unha condición sine qua non formulada polo primeiro accionista, Edouard de Rothschild, no seu proxecto de salvamento.

O Colexio Profesional de Xornalistas de Galicia (CPXG) conta cuns novos estatutos que foron aprobados na última Asemblea Xeral. Estes tiveron que ser modificados e adaptados para seren compatíbeis coa nova lei de colexios profesionais. A proposta foi aprobada o 16 de decembro, na Asemblea Xeral Ordinaria, que se celebrou na Coruña.

Un estudo revela que unha media de 32,3 millóns de españois contactaron coa televisión a diario durante o ano pasado 2006, cun medio de consumo entre este colectivo de persoas, de 279 minutos. Os datos foron facilitados por Barlovento Comunicación.

A Corporación RTVE aprobou unha ampliación de capital por valor de 1.510 millóns de euros, mediante a emisión de 302 millóns de accións cun valor nominal de cinco euros, segundo informou a Sociedade Estatal de Participacións Industriais (SEPI). Como resultado desta ampliación de capital, a Xunta Xeral da Corporación aprobou tamén modificar os seus estatutos. As accións serán subscritas polo ente público, que desembolsará integramente o seu importe a través da achega dos seus activos e pasivos por igual contía.

O xornalista gráfico Jaime Razuri, profesional peruano de 50 anos que traballa para a Axencia France-Presse, foi secuestrado en Gaza por cinco encapuchados, e de momento descoñécese o seu paradoiro, segundo fontes da seguridade palestina.

Un antigo membro das Forzas Armadas Revolucionarias de Colombia (FARC) condenado a 12 anos de cárcere, que testemuñara contra o xornalista Freddy Muñoz, inculpado e detido previtivamente desde o 19 de novembro de 2006 por "rebelión e terrorismo", finalmente declarou que non o coñece.

Reporteiros sen Fronteiras condena o peche da oficina da televisión privada por satélite Al-Charkiya en Bagdade, acusada de "incitación á violencia confesional" por ter mostrado imaxes de iraquís entristecidos pola morte do ex presidente Saddam Hussein. O anuncio da súa execución e a emisión das imaxes do aforcamento suscitaron moita controversia nos medios de comunicación iraquís. Algúns deles, e especialmente os órganos de prensa públicos, celebran a morte do "tirano", mentres que outros lamentan a morte do antigo presidente.

Reporteiros sen Fronteiras condena o peche da oficina da televisión privada por satélite Al-Charkiya en Bagdade, acusada de "incitación á violencia confesional" por ter mostrado imaxes de iraquís entristecidos pola morte do ex presidente Saddam Hussein. O anuncio da súa execución e a emisión das imaxes do aforcamento suscitaron moita controversia nos medios de comunicación iraquís. Algúns deles, e especialmente os órganos de prensa públicos, celebran a morte do "tirano", mentres que outros lamentan a morte do antigo presidente.

A Policía Nacional mantivo retidos na Comisaría da Terminal 4 do Aeroporto de Barajas a tres xornalistas que accederan nun vehículo de Protección Civil ás inmediacións do aparcamento onde fixo explosión o coche-bomba colocado por ETA.

A Federación Internacional de Xornalistas (FIP) cualificou o ano 2006 como "tráxico" para os medios de comunicación, cunha cifra marca de 155 xornalistas e as súas colaboradores vítimas de homicidio e asasinato ou mortos en circunstancias sen aclarar.