O secretario xeral dos socialistas madrileños, Rafael Simancas, comprometeuse cos traballadores de Telemadrid a que se é electo presidente da Comunidade anulará todas as sancións e despedimentos de traballadores "represaliados" pola actual dirección do ente público.

O 'Diari d'Andorra' informa de que a xuíza de instrución Maria Àngels Moreno Aguirre controlaría as chamadas de polo menos o redactor xefe do periódico, Toni Solanelles, e do subdirector, Ricard Poy, para localizar posibles fontes de información dos xornalistas na Fiscalía.

Militantes de Reporteiros Sen Fronteiras (RSF), representantes de Al Jazeera e membros do Comité Arabe de Dereitos Humanos e doutras organizacións, concentráronse este 8 de febreiro de 2007 diante da sede parisiense da televisión qatarí.

O programa do ciclo de conferencias 'Xornalismo Século XXI', que organizan o Colexio Profesional de Xornalistas de Galicia e Caixanova, continúa en marzo. Ademais da Coruña, vai haber charlas en Ourense e en Pontevedra.

O consello de administración da Corporación RTVE acordou a aprobación do seu novo organigrama básico, a proposta do seu presidente, Luis Fernández, que persegue lograr unha maior "eficacia e axilidade" da xestión da Corporación, segundo informou onte o grupo público de medios.

O grupo empresarial Bolloré e o do diario Le Monde lanzaron onte un periódico gratuíto, Matin Plus, o terceiro matutino na rexión metropolitana de París.

O Tribunal Correccional de París comezou, en medio dunha gran expectación, o xuízo pola publicación de varias caricaturas do profeta Mahoma polo semanario satírico francés 'Charlie Hebdo'.

Aproveitando a actualidade da loita antiterrorista, a semellanza de iniciativas paralelas en Estados Unidos e no Reino Unido, o executivo alemán tamén preparaba plans para darlle maiores poderes ás autoridades policiais para a ciber-investigación.

Todos os colexiados poderán propoñer a candidatura dun profesional da comunicación que destacase polo seu traballo ao longo do pasado ano 2006.

Novo periódico á vista, galego pero de Madrid. O próximo luns, día 12, ás 20 horas, vai ter lugar na Casa de Galicia en Madrid a presentación do periódico 'Galicia al Día', editado por Onis Comunicación. Segue, pués, o boom dos gratuítos.