O Colexio Profesional de Xornalistas de Galicia (CPXG) estrea hoxe unha nova páxina web que alarga e renova os servizos e contidos da anterior versión. Respectando a imaxe corporativa do Colexio, a nova web moderniza o deseño resultando máis práctica e funcional.

Eva Gómez González e María do Carme Cebreiros Paradela poderían ser as primeiras dunha longa lista de despedimentos no xornal La Región. Segundo puido saber Vieiros, o diario ourensán ten previsto o peche da súa rotativa, o que suporía a perda de emprego de arredor de corenta persoas máis.

Dezasete novos xuízos contra a Compañía da Radio Televisión de Galicia (CRTVG) comezan esta semana en Lugo e Ferrol. Os demandantes, que traballan nas delegacións do ente, reclaman que se lles recoñeza a súa vinculación laboral directa coa CRTVG.

Mañá, martes 23 de xaneiro, preséntase a terceira edición do Premio José Couso de Liberdade de Prensa, que organizan o Colexio de Xornalistas de Galicia, o Club de Prensa de Ferrol e Caixanova.

TVE ingresou 49 millóns de euros por publicidade o pasado setembro, o que significa que, nos nove primeiros meses do 2006, o nivel de execución sobre os obxectivos previstos alcanzou o 100,1 por cento, segundo RTVE.

A Policía detivo onte ós dous responsables dunha televisión pirata que emitía no municipio murciano de Lorquí e cuxo fraude durante os dezaoito anos que estivo en funcionamento ós lexítimos titulares dos dereitos de emisión estímase en máis de 600.000 euros.

A Vicepresidencia da Xunta saudou onte o regreso do presentador Xosé Manuel Piñeiro a Televisión de Galicia para conducir un programa destinado ós maiores, que permitirá que ese público "teña o protagonismo que merece".

SOS Racismo alertou sobre o tratamento que fan os medios de comunicación de sucesos como as ocorridas esta fin de semana en Alcorcón. Afirman que cando se fai fincapé na orixe dos grupos implicados se poden fomentar actitudes xenófobas entre a poboación española.

Autocontrol, Asociación para a Autorregulación da Comunicación Comercial, recibiu o ano pasado 187 reclamacións polo contido de anuncios, das que 27 se referiron á protección da infancia. En 2006, a asociación, que integra a operadores de televisión e anunciantes, analizou o contido de máis de 1.500 anuncios antes da súa emisión. O 70% recibiron un veredicto positivo.

O Sindicato de Xornalistas de Galicia (SXG) expresa a súa repulsa ao despido de dúas traballadoras polo xornal La Región de Ourense. O Sindicato solidarízase con estas asalariadas e co resto do cadro de persoal, inmerso na negociación do convenio colectivo coa dirección da empresa. O SXG considera igualmente intolerable que se despedise a unha representante dos traballadores no Comité de Empresa. E é que a dirección de La Región despediu fulminantemente a Eva González, representante de FES-UGT.