A imparcialidade dos medios públicos queda cada día en evidencia. O Fórum Nova Economía organiza un almorzo informativo o día 17 de xaneiro con Zapatero. O informativo do mediodía de TVE saca cinco cortes. Mariano Rajoy acode a eses mesmos almorzos este martes 27 de marzo. Para o informativo presentado por Ana Blanco o líder da oposición non dixo nada destacado. A conferencia de Rajoy non existiu.

O Comité de Empresa da Radiotelevisión do Principado de Asturias (RTPA) convocou unha folga parcial de catro horas para o próximo venres, día 30. Así o anuncia o Comité a través dun comunicado no que explica os motivos desta convocatoria:’negociar un convenio colectivo digno’.

Mundos Dixitais TV é unha nova televisión por internet que busca promover a Animación 3D, os Efectos Especiais Dixitais e os Videoxogos. A canle estará adicada a amosar contidos audiovisuais xerados desde o propio Festival Internacionalde Animación 'Mundos Digitales', así como algúns dos mellores e xa clásicos curtos de animación de estudos e artistas independentes.

Hoxe remata o prazo de votacións para a elección do gañador da III Edición do Premio José Couso, unha iniciativa do Colexio de Xornalistas de Galicia (CPXG), o Clube de Prensa de Ferrol e Caixanova. O prazo para a emisión de votos por internet, segue aberto ata as doce desta noite para os colexiados do CPXG. Os membros do Club de Prensa de Ferrol terán que facer a súa solicitude de voto antes das 8 da tarde e poderán mandalo ata o final do día.

Oito candidaturas optan á III Edición do Premio José Couso de Liberdade de Prensa, unha iniciativa do Colexio Profesional de Xornalistas de Galicia (CPXG), o Club de Prensa de Ferrol e Caixanova. Os finalistas son César Hildebrant, Felipe Suárez, Gervasio Sánchez, Gorka Landaburu e o xornal Euskaldunon Egunkaria, Jon Lee Anderson, as fotoxornalistas Marisa Flórez e Queca Campillo, Tomás Alcoverro e Pedro Nolasco.

Os xornalistas palestinos da franxa de Gaza manteñen unha nova folga de 24 horas para protestar contra os secuestros, dúas semanas despois de que desaparecese o correspondente da BBC na zona.

A Rede engole a unha das cabeceiras máis recoñecidas da historia. Time Inc., editora de Time Warner, anunciou o peche da revista 'Life', que desde outubro de 2004 se distribuía como suplemento de fin de semana de 103 periódicos de todo Estados Unidos. O grupo decidiu botar o peche ó papel e manter esta histórica marca só en Internet.

A Federación Andaluza de Asociacións de Xornalistas (FAAP) expresou nunha comunicada a súa solidariedade cos 14.000 traballadores do Grupo PRISA e dos seus diferentes medios de comunicación polo boicot anunciado a cargo do Partido Popular.

O xornalista estradense do Grupo Correo Gallego Andrés Tarrío Barreiro faleceu onte os 37 anos de idade, despois dunha longa enfermidade. Natural de San Miguel de Cora, Andrés Tarrío estaba casado con Nati Cancela Pereiro -xefa de sección na Dirección Xeral de Promoción do Emprego da Consellería de Traballo- e tiña un fillo, Daniel Andrés, que cumprirá tres anos o próximo mes de xullo. Tanto a súa dona como os pais, Andrés Tarrío Eyo e Mª Carmen Barreiro Ares, recibiron onte numerosas mostras de condolencia.

O enfrontamento entre o Partido Popular e o Grupo Prisa converteuse en protagonista da batalla de declaracións na área política desatada polos líderes socialistas e populares. Mentres que José Luis Rodríguez Zapatero afirmaba que a medida "restrinxe liberdades e dereitos", Mariano Rajoy esgrimía o seu "dereito a actuar en lexítima defensa".