A axencia Reuters nomeou un novo xefe de fotografía para Oriente Próximo e anunciou que estreitará os controis na edición das súas imaxes despois de que o ano pasado publicase dous instantáneas que foran manipuladas dixitalmente.

O canon da cadea pública británica BBC aumentará un 3% nos próximos dous anos dentro dun proxecto financeiro a seis anos para afrontar o futuro dixital que anunciou na Cámara dos Comúns a ministra de Cultura, Tessa Jowell.

O grupo Time Inc. anunciou o despedimento de máis de 250 traballadores das súas principais revistas, incluída 'Time' e a exitosa 'People', que pecha as súas delegacións de Washington, Miami e Chicago, informa 'Herlad Tribune' na súa edición online.

Após o debate na rede, entre o 20 de decembro e o 15 de xaneiro, sobre o texto provisorio, o Observatorio dos Medios publica agora as conclusións definitivas do Foro Internacional sobre Comunicación e Xénero, celebrado entre o 9 de outubro e o 25 de novembro pasados. Coa exposición de conclusións definitivas fechase este Foro, que pretendeu unir as experiencias de xornalistas, o ámbito académico e os colectivos de mulleres na busca dun tratamento da información máis comprometido coa igualdade.

O Observatorio dos Medios vén de disponibilizar as conclusións do Foro sobre Comunicación e Discapacidades, celebrado entre o 6 de novembro e o 16 de decembro do pasado ano. Sobre este texto abrirase un debate previo á súa publicación definitiva no foro virtual até finais deste mes de xaneiro.

Representantes de medios públicos de comunicación dos países do Mercosur elaboraron unha proposta de integración das súas actividades que será presentada no Cumio de Xefes de Estado do Mercosur que se iniciou en Rio de Janeiro con negociadores técnicos e pecharase o venres cos presidentes de Brasil, Arxentina, Uruguai, Paraguai, Venezuela.

"Esperamos que a decisión do xuíz Santiago Pedraz, de ditar unha orde de detención internacional para os militares responsables do disparo que matou a José Couso, permita que á fin se escoite ós tres membros do exército norteamericano no caso", declarou Reporteiros sen Fronteiras.

A Comisión Europea (CE) avaliará o estado do pluralismo dos medios de comunicación nos 27 países membros da UE, nunha iniciativa lanzada ante as preocupacións do Parlamento Europeo pola concentración de medios e as súas consecuencias na liberdade de expresión.

Cinco hospitais públicos da Comunidade de Madrid iniciarán hoxe a emisión en probas dunha canle interna de televisión que, de modo totalmente gratuíto, ofrecerá información sanitaria e de entretemento para facer máis levadeira a estanza dos pacientes ingresados e dos seus familiares. La Paz, Ramón y Cajal, La Princesa, 12 de Octubre e Clínico San Carlos disporán do servizo.

O portavoz do PSM na Asemblea, Rafael Simancas, cualificou onte de "noticia bochornosa" para a sociedade madrileña que a Comisión de Peticións Parlamento Europeo admitise a trámite a denuncia interposta polos traballadores de Telemadrid contra o ente público por manipulación informativa. Mentres, o director xeral da cadea, Manuel Soriano, restou importancia á noticia argumentando que iso "forma parte da mecánica de funcionamento" da institución comunitaria".