Editoras de todo o mundo de medios de comunicación fan pública unha proposta de principios xerais que deberan rexer o uso dos sistemas de intelixencia artificial no sector editorial e de contidos, atendendo aos criterios de propiedade intelectual, transparencia, responsabilidade, calidade e integridade, equidade, seguridade, deseño e desenvolvemento sustentábel.
Nadia Calviño asegurou que o Ministerio de Asuntos Económicos e Transformación Dixital vai pór en marcha un programa de axudas para a dixitalización dos medios e a súa ciberseguridade, logo de constatar que a comunicación non estaba a recibir un apoio dos fondos europeos equivalente ao de outros sectores. O plano, que aínda se atopa nunha primeira fase, abrirá axiña cunha consulta pública para que as empresas informen das súas necesidades de inversión ou proxectos preferentes.
Associated Press vén de modificar o seu libro de estilo para regular o uso da intelixencia artificial nas redaccións e estabelecer directrices sobre a cobertura de informacións relacionadas con esta tecnoloxía. A axencia realiza esta actualización do manual poucas semanas despois de asinar un acordo con OpenAI no que lle dá acceso ao arquivo para adestrar os seus algoritmos.
Por descanso vacacional, o Colexio Profesional de Xornalistas de Galicia (CPXG) vai permanecer pechado entre os días 5 e 27 de agosto, ambos os dous incluídos, retomando a súa actividade normal a partir do luns 28 de agosto.
As asociacións de medios de comunicación AERC, AMI e UTECA lanzan unha campaña contra a desinformación en prensa, radio e televisión que salienta que sete de cada dez persoas foron enganadas por un vídeo ou unha mensaxe chegado ao seu móbil e chama a confíar nos e nas xornalistas para informarse. A FeSP critica que unha das organizacións promotoras, a AMI, teña "paralizada" a negociación do convenio de prensa diaria, e reivindica que a loita contra as fake news require tamén "unhas condicións laborais e profesionais dignas".
O boletín electrónico F5, nado en outubro de 2002 e que envía ao remate de cada semana o Colexio Profesional de Xornalistas de Galicia, chega este venres 28 de xullo ao seu número 1000. Co subtítulo de Boletín de Comunicación de Galicia, a newsletter achega a colexiadas e colexiados, xornalistas e público en xeral a información máis salientábel da semana dentro da profesión.
Saudación de Francisco X. González Sarria, decano do Colexio Profesional de Xornalistas de Galicia, con motivo do número 1000 do F5, Boletín de Comunicación de Galicia.
Texto de Darío Janeiro, secretario da Xunta de Goberno do Colexio Profesional de Xornalistas de Galicia, con motivo do número 1000 do Boletín F5.
Como complemento a unha exposición sobre as noticias falsas, a Fundación Telefónica disponibiliza o Manual para combater a desinformación: Claves para un pensamento informado, unha guía que diferencia os distintos tipos de fake news, recomenda distintas pautas para evitar a difusión de loiadas e ofrece ferramentas para unha análise crítica da información.
A Eurocámara avanza na protección dos xornalistas e medios contra as demandas abusivas coa aprobación, este mércores 12, dun proxecto de directiva europea que estabelece garantías para as vítimas de litixios abusivos. O texto definitivo da norma terá que ser agora consensuado entre o Parlamento Europeo e os distintos estados membros.