O Colexio Profesional de Xornalistas de Galicia organiza a mesa redonda O tratamento informativo do Prestige vinte anos despois, na que destacados xornalistas que informaron daquela catástrofe da historia recente de Galicia debaterán sobre as circunstancias en que se realizou a súa cobertura. O acto terá lugar o vindeiro luns 14 de novembro ás 19:00 horas, no Centro Internacional de Prensa de Galicia en Santiago de Compostela (Rúa Nova, 9). 

O Colexio Profesional de Xornalistas de Galicia vén de asinar un novo convenio con Asisa. Con este acordo, os colexiados e colexiadas poden beneficiarse de condicións especiais na contratación de seguros de saúde ou de vida.

Desde O Salto Galiza, medio de comunicación independente que funciona como nodo territorial de El Salto Diario, solcítannos informar aos colexiados e colexiadas de que están a buscar persoas que poidan colaborar, de maneira remunerada, co seu proxecto xornalístico.  

A manifestación "Por unha CRTVG ao servizo do pobo", organizada por mais de corenta colectivos, encabezados polo Comité Intercentros da radiotelevisión pública galega, reuniu este domingo a centos de persoas nunha marcha que encheu a compostelana praza de Praterias. A convocatoria, apoiada polo CPXG e outros nove colexios de xornalistas, reivindicou no seu manifesto a necesidade duns medios públicos imparciais, vertebradores de Galicia e a súa realidade social e que fomenten a igualdade; ademais de reclamar o cumprimento dos aspectos sen desenvolver da normativa audiovisual galega, como o estabelecemento do estatuto profesional e do consello de informativos, a elección do/a director/a xeral da CRTVG por maioría parlamentaria reforzada ou a posta en marcha dunha autoridade audiovisual independente. 

Manuel Rey Pan recolleu esta tarde na sede do Colexio Profesional de Xornalistas de Galicia o Premio de Xornalismo 'Somos Esenciais' 2021, organizado polo propio Colexio en colaboración con Gadis, polo podcast «O ano da pandemia». Elena Martín Lores, Pablo Santiago Martínez, Sofía Caamaño Deus e Ruben Alexandre Lopes Martins, finalistas, recibiron tamén unha mención especial pola reportaxe «Pechar a fronteira foi como pechar a fiestra da casa».

Este venres 4 de novembro ás 17.30 horas vai ter lugar, na sede do Colexio Profesional de Xornalistas de Galicia en Santiago de Compostela, o acto de entrega do Premio de Xornalismo 'Somos Esenciais' 2021, organizado polo CPXG en colaboración con Gadis. Manuel Rey Pan foi o gañador desta edición, co podcast de GCiencia «O ano da pandemia». O acto contará tamén cos finalistas Elena Martín, Pablo Santiago, Sofía Caamaño Deus e Ruben Martins, autores da reportaxe «Pechar a fronteira foi como pechar a fiestra da casa», publicada no dixital Xarda e no xornal portugués Público.

A Federación Internacional de Xornalistas aproveita o Día Internacional para Pór Fin á Impunidade dos Crimes contra os Xornalistas para pedir apoios á súa proposta de convención internacional nas Nacións Unidas sobre a seguridade de xornalistas e outros e outras profesionais dos medios. O proxecto contempla distintas obrigas para que os estados fagan fronte á impunidade da violencia contra informadores e a creación dun Comité para a Seguranza dos Xornalistas.  

Este martes entraba en vigor a polémica nova Lei contra a desinformación turca, que establece penas de cárcere de até tres anos por difundir o que se considere como información falsa. A norma, considerada pola súa indefinición e alto alcance como "un dos maiores mecanismos de censura e autocensura" da historia de Turquía, provocou as críticas da oposición, a OSCE, o Parlamento Europeo ou as Nacións Unidas, así como o rexeitamento practicamente unánime das asociacións de xornalistas tanto locais como internacionais. 

A publicación dalgunhas das condicións para as acreditacións xornalísticas no Mundial de Fútbol de Qatar, que inclúen a prohibición de captar fotografías ou imaxe de vídeo en numerosas localizacións, volveron levantar as queixas sobre a liberdade de información no país que acolle este evento internacional. A Federación Internacional de Xornalistas instou ao goberno qatarí a abandonar "estes termos e condicións abusivas". 

A Sala do Civil do Tribunal Supremo rexeitou o último recurso contra unha reportaxe emitida en La Sexta, que informaba da conta en Suíza dunha executiva da empresa farmacéutica comercializadora da medicación contra a hepatite C. A peza, baseada na lista de evasores fiscais coñecida como "lista Falciani", é considerada como veraz e de interese xeral por parte do alto tribunal.