O Premio concederase aos traballos publicados que, a xuízo do xurado, mellor exalten os valores relacionados coa integración das persoas con discapacidade e a eliminación de barreiras físicas e mentais que, en determinadas ocasións, impón a sociedade. En particular, serán valoradas aquelas obras que se refiren á superación individual ou colectiva destas barreiras. Os traballos, sen extensión nin formato predeterminados, deben ter sido publicados ou emitidos entre o 1 de xaneiro e o 31 de decembro de 2023, segundo establecen as bases. Os traballos poden presentarse en calquera lingua oficial do Estado, tendo en conta que os que se presenten nunha lingua distinta ao castelán deben achegar tradución.

A data de recepción dos mesmos conclúe o 26 de xaneiro de 2024. As candidaturas poden enviarse, ao Consejo General de la ONCE, Dirección de Comunicación e Imagen y Marca del Grupo Social Once, C/ La Coruña nº 18, 28020 (Madrid), facendo constar no sobre que se dirixen aos "Premios Tiflos de Periodismo", ou por correo electrónico a gabinetedeprensa@once.es, indicando no asunto “Premios Tiflos de Periodismo”.

Máis información na web do premio.