Estes galardóns constan de tres modalidades: Prensa (escrita ou dixital), Audiovisual (televisión ou fotografía) e Radio, cun premio de 4.000 euros por cada unha das categorías. Ademais, convócase un premio especial á traxectoria profesional.

Poderán concorrer os autores de traballos emitidos ou publicados en medios de comunicación españois entre o 16 de xullo de 2023 e o 15 de xullo de 2024. Exceptúanse os traballos aparecidos en publicacións editadas polos Ministerios de Defensa e Interior ou da Garda Civil.

Os traballos deberán presentarse até o 30 de setembro na Dirección General de la Guardia Civil (Oficina de Relaciones Informativas y Sociales – Gabinete de Prensa-, calle Guzmán el Bueno, 110, 28003 Madrid).

Máis información nas bases do premio.