II Premios de Comunicación do Colexío Oficial de Psicoloxía de Galicia
Do ao
Información de contacto:
Colexio Oficial de Psicoloxía de Galicia
Rúa Espiñeira 10, baixo
Rúa Espiñeira 10, baixo
15706 Santiago de Compostela
O Colexio Oficial de Psicoloxía de Galicia, en colaboración coa aseguradora Brokers'88, vén de convocar a segunda edición dos seus Premios de Comunicación Xoán Vicente Viqueira, cos que pretende recoñecer o labor divulgativo da Psicoloxía. Están contempladas dúas categorías, unha para xornalistas e outra dirixida a psicólogos e psicólogas que colaboren de forma frecuente cos medios, dotada cada unha delas con 2.000 euros.
A primeira categoría corresponde ao Premio Xornalístico, ao que poderán concorrer os e as xornalistas que publicaran ou emitiran algún traballo en relación coa Psicoloxía, a nivel individual ou grupal, en calquera formato xornalístico, no que se valorará a contribución á divulgación da Psicoloxía e da profesión na sociedade a través dos medios de comunicación.
A segunda categoría é o Premio de Comunicación, dirixido a psicólogos e psicólogas colexiadas do Colexio Oficial de Psicoloxía de Galicia que colaboren de forma frecuente e continuada cos medios de comunicación co obxectivo de divulgar a profesión da Psicoloxía na sociedade, desde o rigor, a ética e a vocación de servizo público.
Os traballos deberán ter sido publicados entre o 1 de xaneiro de 2022 e o 31 de decembro de 2022, e poden presentarse xunto co formulario presente nas bases ata o 28 de febreiro de 2023 a través da sede electrónica do COPG, do correo electrónico ou por correo postal remitido ao Colexio Oficial de Psicoloxía de Galicia (Rúa Espiñeira 10, baixo,15706 Santiago de Compostela, A Coruña).
Máis información nas bases do premio.