Poderán participar as persoas físicas que sexan as autoras dos traballos presentados e teñan o xornalismo como principal medio de vida. Os traballos tamén poderán ser propostos, co consentimento do autor ou autores, polos medios nos que foron publicados ou polos socios e socias da Federación de Ateneos de Galicia. Os traballos presentados deberan abordar temas de interese cívico ou cidadán e estar publicados ou difundidos entre o 1 de novembro de 2025 e o 31 de outubro de 2026. Os traballos impresos ou publicacións dixitais deberán estar redactados en galego ou castelán e os traballos audiovisuais deberán incluír narracións ou diálogos en calquera destes dous idiomas.

Para participar no premio, dotado con 1.500 € e un recordo conmemorativo, deberanse remitir os traballos, xunto ao formulario de inscrición e especificando no asunto o nome do premio ao correo electrónico ateneo@ateneodesantiago.gal. O prazo de presentación dos traballos finalizará ás 20 horas do 31 de outubro de 2026.

Máis información nas bases do premio.