Xornalistas Galegas organiza unha conversa centrada no legado da xornalista Begoña Caamaño, na que participarán Ana Romaní, Sonia Díaz e Lucía Junquera, baixo a condución de Marga Tojo. O acto vai ter lugar a partir das 19:00 horas deste venres 6 de marzo na librería Lila de Lilith de Santiago de Compostela (Rúa Travesa, 7).

A Deputación de Pontevedra organiza unha nova edición do Foro As Mulleres que Opinan Son Perigosas, que terá lugar o venres 13 e o sábado 14 de marzo no Teatro Principal de Pontevedra (Rúa Paio Gómez Charino, 6). Nesta novena edición escoitaremos un total de catorce profesionais de diferentes perfís e medios de comunicación para seguir reivindicando o espazo que as mulleres merecen no xornalismo e nos ámbitos de poder e de opinión.

O IGADI organiza o xoves 26 de marzo, dentro dos seus Encontros de Lúa Chea, o faladoiro “Medios de comunicación: Información ou desinformación na era das fake news", que se celebrara a partir das 19.00 horas na cafetería da Escola Politécnica Superior de Enxeñaría do Campus de Lugo (Rúa Benigno Ledo, 2).