A Deputación de Pontevedra organiza unha nova edición do Foro As Mulleres que Opinan Son Perigosas, que terá lugar o venres 14 e o sábado 15 de marzo no Teatro Principal de Pontevedra (Rúa Paio Gómez Charino, 6). Nesta oitava edición escoitaremos un total de quince profesionais de diferentes perfís para seguir amosando que este foro pontevedrés é o punto de encontro necesario para visibilizar e reivindicar o espazo que as mulleres merecen no xornalismo e nos ámbitos de poder e de opinión.

O vindeiro venres 21 de marzo a Axencia Galega de Innovación (GAIN) organiza, no marco do programa PEMEuropa, un evento de presentación sobre as moitas oportunidades de participación das entidades dedicadas á comunicación, marketing e divulgación en proxectos Horizonte Europa. A xornada terá lugar entre as 9:45 e as 12:30 na sede de axencia na Rúa Airas Nunes, s/n/, en Santiago de Compostela.

A asociación Xornalistas Galegas organiza este venres, 21 de marzo, ás 19.00 horas, a mesa de debate Xornalistas contra o teito de cristal e o chan pegañento, que terá lugar na Casa das Mulleres Xohana Torres de Santiago de Compostela (Rúa de Bernardo Barreiro de Vázquez Varela). O acto é aberto ao público e medios de comunicación.