A Fundación BBVA e o Consello Superior de Investigacións Científicas (CSIC) convocan a quinta edición dos Premios CSIC - Fundación BBVA de Comunicación Científica que recoñecen todas as facetas, canles e formatos da comunicación científica desenvolvida desde os medios de comunicación, as plataformas dixitais, os centros de investigación, as universidades, os hospitais, as axencias e institucións públicas e as empresas.

A Federación Internacional de Xornalistas (FIP) e a Unión da Prensa Francófona (UPF) convocan a segunda edición do Premio Shireen Abu Akleh, un galardón anual dotado con 5000 euros que recoñece a valentía, a integridade e o compromiso das mulleres xornalistas de todo o mundo. O premio rende homenaxe ás mulleres profesionais dos medios de comunicación que arriscan a súa seguridade para informar ao público e defender os máis altos estándares do xornalismo.

O Concello de Villanúa, coa colaboración de Periodiistas de Aragón, convoca o IV Premio Nacional de Xornalismo no Mundo Rural, que quere reivindicar a memoria de Ainhoa Camiño ao tempo que recoñece o labor dos xornalistas que, como fixo ela, desenvolven a diario o seu labor profesional no medio rural.

Convócase a décimo quinta edición dos premios xornalísticos La Buena Prensa. O galardón consta de oito categorías: Mellor reportaxe, Mellor entrevista, Mellor fotografía, Mellor crónica, Mellor cobertura dun feito previsto, Mellor cobertura dun feito imprevisto, Mellor serie e Mellor suplemento, especial ou monográfico. O galardón consiste na entrega dun diploma.

O Colegio Oficial de la Psicología de Madrid convocou a 44ª edición do Premio de Xornalismo e Comunicación. Ao galardón poden concorrer os xornalistas que cos seus traballos contribúan de forma significativa a mostrar á sociedade a importancia da intervención psicolóxica, a súa importante función social e os beneficios sobre a sociedade.

A Asociación de Periodistas de Albacete (APAB) convoca a quinta edición do Premio de Fotoxornalismo ‘Jesús Moreno’ á mellor fotografía de 2025. O obxectivo é recoñecer o traballo dos e as profesionais que desenvolven o seu labor no campo do fotoxornalismo, en medios de comunicación de ámbito local ou provincial de toda España.

A Asociación Española de Auga Urbana (DAQUAS) convoca a sétima edición do seu Premio de Xornalismo, que baixo o lema “Desafíos na xestión da auga urbana” pretende recoñecer o labor de sensibilización social que realizan os medios de comunicación mediante a difusión de informacións sobre a importancia dos servizos de abastecemento de auga e saneamento.

A Axencia EFE e Casa África lanzan a oitava edición do Premio Saliou Traoré de xornalismo en español sobre África, dotado con 5.000 euros e unha estatuilla conmemorativa, obra de María de Frutos.

O Colegio Profesional de Fisioterapeutas de la Comunidad de Madrid (CPFCM) convoca a terceira edición do "Premio de Xornalismo Cecilia Conde", co fin de recoñecer o labor que desenvolven os medios de comunicación e os seus profesionais na difusión do papel da fisioterapia na sociedade.

O Ateneo de Santiago convoca a novena edición do Premio Alfredo Vicenti de Xornalismo Cívico, que ten o obxectivo de impulsar traballos xornalísticos que contribúan a promover un debate cívico sobre asuntos de interese social, favorecendo o espazo público para mellorar a calidade de vida dos cidadáns.

A Sociedad Española de Medicina Estética (SEME) convoca a sexta edición do certame de xornalismo “Profesor Juan Ramón Zaragoza”, que premia con 1.500 euros o mellor traballo xornalístico plasmado en prensa, radio e televisión, incluídos os medios dixitais, e publicado en español, que mellor contribuíse, a xuízo do xurado, á difusión, coñecemento e transmisión á sociedade dos valores da medicina estética e os seus profesionais.

O xornal dixital eldiario.es convoca a sétima edición dos Premios Desalambre co obxectivo de contribuir ao desenvolvemento do terceiro sector, dar visibilidade aos seus proxectos e recoñecer o labor daquelas organizacións que defenden causas de interese público e xeral. 

A Asociación de Informadores de Elx e o Concello de Elx convocan o sexto Premio Vicente Verdú de Xornalismo e Innovación. O premio está dotado con 6.000 euros, como recoñecemento a este xornalista, escritor e pintor ilicitano falecido en 2018 e nomeado Fillo Predilecto de Elx. O xurado poderá conceder até dous accésits, cunha dotación de 500 euros cada un.

A Fundación Gabo abre as inscricións ao Premio Gabo 2026, co obxectivo de "promover referentes de excelencia, coherencia ética e innovación para o xornalismo Iberoamericano como unha achega ao cumprimento do seu propósito de apoiar a xornalistas e contadores de historias para acadar unha sociedade mellor informada, participativa e libre".

O Consello Xeral de Colexios Farmacéuticos convoca a primeira edición dos Premios de Xornalismo e Divulgación Científica "Voces de la Farmacia", cos que busca recoñecer a excelencia e promover as informacións sobre Farmacia, así como o contido divulgativo que contribúa ao uso seguro dos medicamentos, impulse os hábitos saudábeis ou loite contra a desinformación en saúde.

O Sindicato de Periodistas de Andalucía (SPA) convoca o XIX Premio Internacional de Xornalismo Julio Anguita Parrado, en memoria do xornalista cordobés falecido o 7 de abril de 2003 na guerra de Irak. O galardón conta co patrocinio do Concello de Córdoba, a Universidade de Córdoba, a Junta de Andalucía, a Escuela de Joyería de Córdoba e o Parque Joyero de Córdoba.

A Representación da Comisión Europea en España e a Asociación de Xornalistas Europeos, co apoio da Oficina de Información do Parlamento Europeo en España e o patrocinio de Iberdrola, convocan a XXXII edición do Premio de Xornalismo Europeo Salvador de Madariaga.

A Rede de Periodistas Rurales presenta a terceira convocatoria do Premio de Xornalismo Rural cun premio de 500 euros para o gañador e un curso de formación especializada para o segundo e terceiro posto. O prazo para presentar as candidaturas termina o próximo 5 de marzo.