A Fundación Aliados por la Integración convoca os XI Premios de Xornalismo contra a Violencia de Xénero, que teñen como obxectivo recompensar aqueles traballos xornalísticos que contribúan á defensa e difusión dos valores contra esta lacra social.

Lilly España, en colaboración con Forética e ANIS, convoca os II Premios sobre Sustentabilidade en Saúde, co obxectivo de promover e recoñecer o labor de xornalistas nos medios de comunicación españois e a súa contribución na difusión dos valores en sustentabilidade en beneficio de alcanzar un impacto positivo no planeta.

A Asociación para la Defensa de la Marca (Andema) convoca a V edición dos Premios de Xornalismo Javier Navarro, que teñen o obxectivo de promover e recoñecer o labor dos e das xornalistas na divulgación e achegamento á opinión pública da contribución da Propiedade Industrial.

O Concello de Lalín, en colaboración coa Facultade de Ciencias da Comunicación da Universidade de Santiago de Compostela, as asociacións gastronómicas galegas e a Axencia Turismo de Galicia, convocou unha nova edición do Premio Nacional de Xornalismo Gastronómico Álvaro Cunqueiro, co que pretende fomentar a difusión da cociña galega e premiar o labor realizado por xornalistas e escritores que prestan especial atención a este tema.

A Fundación Artemisan convoca o sexto Premio de Xornalismo “Mundo Rural”, que recoñecerá os mellores traballos que "promovan, impulsen ou apoien os valores positivos relacionados co mundo rural e coas actividades produtivas que fan posible a súa sustentabilidade, con especial atención á caza".

A entidade sen ánimo de lucro Sigre Medicamento e Medio Ambiente convoca o Premio Sigre de Xornalismo "Pola saúde da natureza" co obxectivo de distinguir aqueles traballos xornalísticos que divulguen e fomenten o correcto tratamiento medioambiental a través do punto Sigre dos residuos de medicamentos de orixe doméstica e os seus envases.

A Sociedade Ecolóxica para o Reciclado dos Envases de Vidro (Ecovidrio), convoca a vixésimo sétima edición dos seus Premios Xornalísticos, que buscan recoñecer a xornalistas que contribúan ao incremento da sensibilización da cidadanía no ámbito do ambiente, sustentabilidade, economía circular e reciclaxe en xeral.

A revista El Ciervo convoca o 51º premio de artigos xornalísticos Enrique Ferrán, que este ano se realiza baixo a temática “A amizade hoxe”.

A Axencia EFE e a Secretaria de Estado de Cooperación Internacional, a través da Axencia Española de Cooperación Internacional para o Desenvolvemento, convocan a 44.ª edición dos Premios Internacionais de Xornalismo Rei de España.

A ONCE convocou a XXIX edición dos Premios Tiflos de Xornalismo para as categorías de prensa escrita, radio, televisión e xornalismo dixital. O galardón conta cunha dotación de 9.000 euros para o traballo ganador en cada categoría.

A Axencia Española de Protección de Datos convoca os Premio Comunicación de Protección de Datos Persoais 2026, co obxectivo de distinguir os traballos xornalísticos que signifiquen unha achega destacada á promoción e difusión entre os cidadáns dos principios do dereito fundamental á protección de datos persoais e contribúan a fomentar a concienciación de quen manexa información persoal sobre as súas responsabilidades.

A Confederación Española de Pesca (Cepesca) convocou a oitava edición dos Premios Xornalismo e Sector Pesqueiro Español, unha iniciativa que ten como obxectivo recoñecer o labor dos medios de comunicación e dos profesionais da información na difusión e a mellora do coñecemento da actividade do sector pesqueiro.

A Fundación Grünenthal puxo en marcha a décimo sétima edición dos seus premios de xornalismo, que recoñecen o labor de medios e xornalistas para sensibilizar a sociedade sobre a dor, o seu diagnóstico, evolución e tratamento.

A Fundación AISGE convoca a vixésima edición do Premio Paco Rabal de Xornalismo, que recoñece os mellores artigos, reportaxes ou entrevistas sobre a realidade do traballo dos actores, bailaríns, dobradores ou directores de escena. O certame está dotado con 5.000 euros para o gañador, cun accésit de 3.000 euros e o premio Joven Promesa, de 1.000 euros.

Masorange convoca a sexta edición dos seus “Premios Xornalismo e Sustentabilidade”, que recoñecen traballos xornalísticos e de divulgación que destaquen polo tratamento de temas relacionados coa aplicación da tecnoloxía no coidado do ambiente e como como ferramenta de inclusión ao servizo das persoas. Poderanse presentar candidaturas para optar a unha das tres categorías dos premios, dotadas cada unha delas con 7.000 euros.

O Colegio Oficial de Ingenieros Industriales de Madrid (COIIM) convocou a oitava edición do Premio COIIM Enxeñeiro Luca de Tena ao mellor traballo xornalístico sobre enxeñería industrial, que pretende recoñecer o labor dos medios de comunicación e os seus profesionais na difusión do papel da enxeñería industrial na sociedade.