O Decano do Colexio Profesional de Xornalistas de Galicia (CPXG), Xosé María García Palmeiro, felicitou hoxe ós profesionais dos Servicios Informativos da Cadena SER en Galicia polo Premio ONDAS que ven subliñar o excelente traballo realizado na cobertura da catástrofe do "Prestige".

O 24 de outubro de 2003, reuníronse na sede do Col.legi de Xornalistas de Catalunya, en Barcelona, sendeiras delegacións do Col.legi e do Colexio Profesional de Xornalistas de Galicia, presididas respectivamente pola Decana do Col.legi, Montserrat Minobis, e o Decano do Colexio, Xosé María García Palmeiro.

A Xunta de Goberno do Colexio Profesional de Xornalistas de Galicia (CPXG) quere expresar publicamente o seu profundo malestar por todo o que veu ocurrindo cos xornalistas e outros profesionais de ANTENA 3-TELEVISIÓN sometidos -en número de 254 fixos e outros tantos temporais- a un Expediente de Regulación de Emprego (ERE) e abocados a teren que abandonar os seus postos de traballo. Un longo proceso de negociacións, e de mobilizacións e protestas, non ten servido, lamentablemente, para reconducir e racionalizar unha situación que, polo que atinxe a Galicia, determinou xa o peche dos centros de traballo de A Coruña e Vigo e deixará a Delegación de Santiago de Compostela cunha plantilla reducida a pouco menos da metade.

A Xunta de Goberno do Colexio Profesional de Xornalistas de Galicia (CPXG) considera imprescindible que o Goberno español insista en reclamar das autoridades estadounidenses unha investigación sobre as circunstancias da morte do compañeiro galego José Couso Permuy, operador de cámara de Tele 5, tiroteado por un tanque do Exército de EE UU cando tomaba imaxes desde unha habitación do hotel Palestina de Bagdad. Este Colexio entende que o Executivo de José María Aznar ten a obriga política e moral de facer todo o posible para que se clarexe a morte dun cidadán español, desarmado e indefenso, en circunstancias o suficientemente confusas como para requerir unha explicación a fondo. Por iso facemos tamén un chamamento ás institucións galegas para que se pronuncien neste sentido e utilicen a súa influencia ante o Goberno Español a fin de impedir que a verdade do ocorrido se agoche baixo o manto dos segredos de guerra.